Annotasiya
“Siddharta” (almanca “Siddhartha. Eine indische Dichtung”) alman yazıçısı Herman Hessenin 1922-ci ildə işıq üzü görən pritça romanıdır. Əsər Siddharta adlı gənc brahmanın mənəvi yolundan, özünüaxtarış hekayəsindən bəhs edir.
Nüfuzlu ailəsinin yanında rahat həyatından vaz keçən gənc evini tərk edir, qeyri-müəyyənliklərlə dolu bir səfərə çıxır. Bu səfər zamanı Siddhartha özünü müxtəlif rollarda müşahidə edir: mömin brahman, samana, varlı tacir, sevgili, ata. Amma ənənəvi təlimlərin və ictimai normaların heç biri onun məna axtaran yanğılı qəlbinə su səpmir; gah dünyəvi həzlərə meyil edir, gah da asketizmə üz tutub dünyanı heçə sayır. Bu tərəddüd onun ruhunu alt-üst edir. Nəhayət, bu enişli-yoxuşlu yolda rastlaşdığı sonuncu şəxs həyatında yeni bir səhifə açır.
Karandaşın izi ilə
Mənəvi təngənəfəslik qəfildən məni də boğmağa başladı.
***
Sanki oğlu böyümüşdü və ona yadlaşmışdı.
***
Siddharthanın yalnız bir məqsədi vardı, yeganə bir məqsədi: arınmaq, maraqdan arınmaq, arzularından arınmaq, xəyallardan arınmaq, sevinc və kədərdən arınmaq. Ölüb öz-özündən qurtulmaq, bir daha özü olmamaq, bir daha kimlik tapmaq.
***
Biz təsəlli tapır, laqeydləşirik, vərdişlərə yiyələnir, elə bu vərdişlərlə də başımızı aldadırıq.
***
Nədir axı bu meditasiya? … Bu, özün olmaq əzabından qurtulmaqdır, bu, ağrı və həyatın mənasızlığına qarşı həssaslığın azalmısıdır.
***
Hamı məmnundur, hamı ürəklə dost olmaq, kiməsə tabe olmaq, az düşünmək istəyir. İnsanlar lap uşaq kimidilər.
***
Sanki dərin bir dənizə baş vurub səbəblərin yatdığı hisslərin dibinə endi, çünki ona görə yalnız bu yolla hissləri tanımaq olur, onlar tükənmir, əksinə, həqiqətə çevrilib şəfəq saçır
***
– Ümumiyyətlə əlindən nə gəlir?
– Mən düşünə bilərəm, gözləyə bilərəm,oruc saxlaya bilərəm.
– Elə bu?
– Bəli, bir də şeir yaza bilərəm. Sənə şeir desəm, məni öpərsən?
– Əgər şeirin xoşuma gəlsə, niyə də yox.
***
Hikmət və mahiyyət şeylərdən kənarda deyil, onların özündə, hər şeydə idi.
***
Sən demə dünya gözəl imiş, sadəcə dünyaya beləcə heç nə axtarmadan sadəcə uşaq təki baxmaq lazım imiş.
***
Elə isə bunu qulağına sırğa elə: məhəbəti dilənmək olar, satın almaq olar, hədiyyə də almaq olar, hətta küçədə də tapmaq olar, amma onu heç cür qarətlə əldə edə bilməzsən.
***
Bitməyən və həll olunmayan hər şey yenidən təkrarlanır, eyni iztirabları çəkirdi.
***
Biliyi başqalarına ötürə bilərsən, amma müdrikliyi heç cür.
***
Sözlər mənadakı dərinliyi korlayır. Nəyi ki dilə gətirirsən, sanki o, başqa bir şeyə çevrilir, mahiyyətini itirir bir qədər səfehcəsinə görünür.
Tərcümə: Nilufər Bəhlulqızı
